يونيو 2020 -

خدع وأسرار الكلمات الدلالية فى اعلانات جوجل

خدع وأسرار الكلمات الدلالية فى اعلانات جوجل

أهلا و سهلا بيكم الدرس دا هنتكلم فية عن شوية تريكس تقدر تستخدمها فى الكى وردس ، الصراحة الموضوع دا مش من
ختيارى بمعنى انك تملك رفاهية تطبيق الكلام دا الى هنقولة دلوقتى أو لا

انت ان مطبقتوش الحملة مش هتنجح أو مش هتحقق النجاح المتوقع وياما شوفت حملات كتير فشلت بسبب عدم تطبيق النقاط الى هنتكلم عنها دلوقتى وحملات كتير نجحت وحققت نجاح مهوول بسبب تطبيق النقط دى

طيب يا ترى اية النقط دى شوقتنا !!

لا تشويق ولا حاجة يا سيدى يلا بينا

اعلانات جوجل تعتبر أغلى الأعلانات و هيا مش غالية على الفاضى

لا دى غالية بسبب انها أفضل نوع أعلانات موجود فى العالم لأنها بتجيبلك الشخص المهتم بنسبة 100%

بتجيبلك الشخص الى بيدور عليك مش انت الى بتدور علية

وعلشان جوجل عارفة ان اعلاناتها غالية مش عاوزة تسيب نسبة خطأ حتى لو 1% للمعلن انة ممكن ميوصلوش العميل المستهدف

أو اعلاناتة توصل لناس غلط

ومن هنا جوجل عملت سيستم مختلف فى الكلمات الدلالية وجعلت التحكم الكامل للمعلن فى استخدام الكلمات الدلالية زى ما هوا عايز

وعملت نظام اسمة تحديد الكلمات الدلالية وقسمت الكلمات الى 4 أنواع تقدر تستخدمهم

ودلوقتى هنشرح الأنظمة الأربعة

دلوقتى احنا معانا منتج جزمة حريمى لونها أبيض وعاوزين نبيع الجزمة فى مصر فعملنا اعلان على جوجل

وعملنا بحث للكلمات الدلالية وكان من ضمن الكلمات الى هنستخدمها هيا (جزمة حريمى بيضاء)

أولا نظام نقدر نستخدم فية الكى ورد دى اسمة

اقرأ المزيد : استراتيجيات و فوائد التسويق عبر محرك البحث ومدي اهميتها

Broad Match Keywords

خدع وأسرار الكلمات الدلالية فى اعلانات جوجل

والمقصود بالنظام دة انى بستخدم الكلمة الدلالية زى ما هيا (جزمة حريمى بيضاء)

فبكدا انا لما بطلق الأعلان اى حد كتب فى جوجل الكلمات دى:

(جزمة حريمى بيضاء)

جزمة حريمى

حريمى بيضاء

شوز حريمى

جزمة حريمى مش بيضاء

جزمة

جزمة رجالى

هتظهرلة على طول

طيب افرض انا عاوز الشخص الى كتب أى جملة بس يكون فيها كى ورد (جزمة حريمى بيضاء)

دة تانى نوع بقى وهوا اسمة

اقرأ المزيد : ما المقصود بمصطلح شركة تسويق إلكتروني؟ وكيفية الربح منها؟

Broad Modified Keywords

والنوع دة بنستخدمة عن طريق اننا نضيف علامة + قبل الكلمات المكونة للكى ورد بتاعتنا

+جزمة +حريمى +بيضاء

احنا لو استخدما الكى ورد بالشكل دة كدا بنقول لجوجل يا جوجل اى حد يكتب اى جملة بس لازم الجملة يكون فيها الثلاث كلمات دول خلينى أظهر لية بالأعلان يعنى أى حد كتب :

(جزمة حريمى بيضاء)

سعر جزمة حريمى بيضاء

كيفية صنع جزمة حريمة فى البيت بيضاء

جزمة حريمى مش بيضاء

تظهرلة على طول ، طيب أفرض دلوقتى انا عاوز الجملة تكون على بعضها كدا لا فى كلمة فى النص تفصلهم عن بعضهم او حاجة بس ممكن يكون فى كلمة زيادة فى الأول أو الأخر مفيش مشكلة هنا بقى تستخدم النوع الثالث من الكى وردس وهوا

اقرأ المزيد : تصميم متجر إلكترونى إحترافى وجذاب 1

Phrase Match Keywords

خدع وأسرار الكلمات الدلالية فى اعلانات جوجل

ودة تستخدمة عن طريق انك تضع الكلمات الدلالية بين علامتين ترقيم زى كدا مثلا  “جزمة حريمى بيضاء”

انت كدا بتقول لجوجل يا جوجل أى حد كتب الجملة دى على بعضها بس كان فى كلمة قبلها أو بعدها اظهرنى ليه على طول

يعنى أى حد كتب :

جزمة حريمى بيضاء

سعر جزمة حريمى بيضاء

شراء جزمة حريمى بيضاء

جزمى حريمى بيضاء 2020

اعلانك هيظهرلة على طول ، طيب يا عم انا زهقت وعاوز اى حد يكتب الكى ورد بس من غير كلمة زيادة سواء فى مقدمتها أو فى المؤخرة أظهرلة على طول هنا بقى نستخدم رابع نوع معانا وهوا

اقرأ المزيد : كيف يعمل مزاد الأعلانات فى جوجل !!!!!!!

Exact Match Keywords

خدع وأسرار الكلمات الدلالية فى اعلانات جوجل

ودة تستخدمة عن طريق انك تضع الكلمة الدلالية عن بين القوسين [] دول زى كدا مثلا

[جزمة حريمى بيضاء]

انت كدا بتقول لجوجل يا جوجل أى حد يكتب الكى ورد دى بالظبط بدون زيادة أو نقصان أى كلمة زيادة أظهرنى لية على طول

يعنى أى حد هيكتب

جزمة حريمى بيضاء

اعلانك هيظرهلة على طول

البوست دة موجة لناس كتير بترسلة رسائل وبتقولى انا بصرف فلوس كتير فى الأعلانات ومش بيوصلى جمهور مستهدف

أكيد فى حاجة غلط ، هوا فعلا فى حاجة غلط

أتمنى ان المقال دا يفيد الناس و يكون سبب فى نجاح حملات كتير فشلت الفترة الى فاتت

اقرأ المزيد : البط | أفضل شركة سيو وإعلانات جوجل فى الوطن العربى

إقرا المزيد

كيف يعمل مزاد الأعلانات فى جوجل !!!!!!!

كيف يعمل مزاد الأعلانات فى جوجل !!!!!!!
النهاردة هنتكلم عن مزاد الأعلانات فى جوجل . ازاى نظام البيدينج فى جوجل بيشتغل . لية فى اعلان بيظهر قبل اعلان تانى
كتير من العملاء كانت بتيجي تقول احنا بندفع أكتر من المنافسين كلهم بس ليه المنافسين على طول اعلاناتهم بتبقى
فى النتائج الأولى على الرغم انهم بيدفعو أقل مننا و أحنا متأكدين من دا

اقرأ المزيد : خدع وأسرار الكلمات الدلالية فى اعلانات جوجل

مزاد الأعلانات فى جوجل

كيف يعمل مزاد الأعلانات فى جوجل !!!!!!!

  • الفكرة انهم فاكرين السيستم فى اعلانات جوجل انك تدفع أكتر تسبق كل منافسينك مع ان عامل سعر الكليكاية و الدفع دة مجرد عامل من أربع عوامل تانين كل عامل منهم بيمثل 25% من نجاح الحملة
  • في المقال هشرح فيه بأختصار كيف يعمل نظام الرانكينج فى جوجل و أوضح كل الأسباب الى بتخلى اعلان يظهر فى النتيجة الأولى على الرغم انة دافع أقل من المنافسين
  • سيستم جوجل فى تحديد نجاح الأعلان من عدمة مبنى على أربع عوامل أساسية لو قدرت تحققهم هتقدر تنجح حملتك واعلانك يبقى أول نتيجة دون الحاجة لأنك تدفع أكتر

    اقرأ المزيد : افضل مواقع احترافيه في التسويق بالعمولة في السعودية

ودى العوامل الأربعة:

كيف يعمل مزاد الأعلانات فى جوجل !!!!!!!

1- سعر الكليك :

انت وانت بتعمل الحملة على جوجل بتحددلة أقصى سعر كليك ممكن تدفعة يعنى ممكن تقولة انا أقصى حاجة ممكن أدفعها هيا 3 دولار فى الكليك
السؤال هنا بقى هل جوجل بيدفعك سعر الكليكاية بالظبط ولا أكتر ولا أقل ؟
طيب ما تيجى نسأل نفسنا سؤال هيوضح الموضوع كلة
ازاى جوجل أصلا بيحدد سعر الكليكاية!!
جوجل مش هوا الى بياخد قرار تحدد سعر الكليكاية فى كل كلمة . يعنى مبيجيش يقولك سعر الكليك على الكلمة دى من دماغة كدا
امال مين الى بيحدد سعر الكليكاية!! انت الى بتحدد سعر الكليكاية ! أيوا والله انت والمنافسين بتوعك
تعالى نشوف مثلا عندنا كى ورد عاوزين ننافس عليها (عقارات القاهرة) الكلمة دى سعرها فى جوجل 4 دولار
الأربعة دولار دول اتحددو بناء على المنافسين , نقول مثلا بينافس على الكلمة دى أربع أفراد
  • انت عامل اعلان وعامل سعر الكليك 2 دولار
  • المنافس الأول عامل سعر الكليك 1 دولار
  • المنافس الثانى عامل سعر الكليك 4 دولار
  • المنافس الثالث عامل سعر الكليك 3 دولار
كدا سعر الكلمة أصبح 4 دولار لأن أكتر سعر اتدفع فيها هوا 4 دولار بمعنى ان لو مفيش منافس رقم 2 هيصبح سعر الكلمة
فى جوجل 3 دولار لأن ساعتها هيكون أعلى سعر مدفوع فيها هوا 3 دولار
وهكذا الموضوع كل ما تزود سعر الكليك كل ما تغلى سعرها فى جوجل وعلى نفسك وعلى المنافسين معاك
طيب دة أول عامل من عوامل ظهور اعلانك فى النتيجة الأولى فى جوجل وهوا سعر الكليك بس خد بالك دة بيمثل فقط 25%
من نجاح الحملة لسة عندنا 3 عوامل غيرهم

اقرأ المزيد : استراتيجيات و فوائد التسويق عبر محرك البحث ومدي اهميتها

2-( CTR (click Through Rate

والمقصود بالعامل دة عدد الناس الى شافت اعلانك مقسوم على عدد الناس الى ضغطو علية
يعنى نفترض انت شاف اعلانك 1000 شخص وضغط علية 100 شخص تصبح نسبة ال CTR عندك كدا 10%

طيب اية فايدة النسبة دى !!

النسبة دى ليها فايدة كبيرة جدا فى مزاد الأعلانات في جوجل لانها من خلالها بتقدر تعرف اعلانك قوى ولا لا لان كل ما يكون اعلانك قوى وجذاب كل ما عدد ناس كتير هتضغط علية وبكدا كل ما نسبة CTR تزيد عندك والعامل دة يمثل 25% من نجاح الحملة

اقرأ المزيد : خطوات تصميم واختيار هوية تجارية وبصرية مميزة

3-  Landing Page أو صفحة الهبوط

أين يذهب الزائر بعد الضغط على الأعلان ؟
بشوف اعلانات كتير بترسل الزائر لمواقع وصفحات غير مهيئة تماما
وحديثا مسكت حملة اعلانية فاشلة صرفو رقم كبير بدون ما زائر واحد يسجل بياناته وانا بحلل الحملة لقيت فيها خطئ قاتل
صفحة الهبوط الى بيروحلها الزائر غير مهيئة للموبايل تماما ولو فتحتها من اى موبايل مش هتشوف الكلام بتاعها كويس ولا هتشوف تدخل بياناتك على الرغم ان 98% من زوار الحملة دى كانو من الموبايل
لازم صفحة الهبوط الى هترسل اليها الزائر يتوافر فيها الشروط دى
1- سهلة التصفح
2- سريعة
3- بتقدم معلومة مفيدة للزائر
4- بتلبى طلب الزائر ( يعنى الزائر دخل من اعلانك ومتوقع حاجة معينة لازم يلاقى الحاجة دى موجودة فى الصفحة ) بمعنى اوعى تعمل خداع وغش فى صفحتك تقول للزائر حاجة فى الاعلان وترسلة على حاجة تانية خالص
العامل دة بقى بيمثل 25% من نجاح الحملة

اقرأ المزيد : افضل شركة تصميم مواقع في السعودية بافضل جودة و اسعار تنافسية

4- أخر عامل معانا هوا Ad Relevancy

مزاد الأعلانات .. انك توجه اعلانك للعميل المستهدف الصح يعنى مثلا ميكونش اعلانك عقارات و تروح تستهدف أطفال
أو تكون مثلا بتبيع منتجات تجميل و تستهدف رجالة ، أو تبيع يكون عند منتج تخسيس و تروح تستهدفلى ناس بتبحث بكلمة فيس بوك و العامل دة بيمثل 25% من نجاح الحملة
كدا احنا عندنا 4 عوامل بيعتمد عليهم نظام اعلانات جوجل فى جعل اعلانك فى النتيجة الأولى
تعلو كدا نشوف الصورة دى هنلاقى 4 منافسين بينافسو فى جوجل والجدول موضح كل واحد فيهم حقق كام فى% من العوامل الأربعة
كيف يعمل مزاد الأعلانات فى جوجل !!!!!!! 1
  • هنا هنلاقى المنافس رقم 3 أكتر واحد اعلاناتة بتظهر و عامل سكور كويس و على طول محتل المركز الأول على الرغم انه مش دافع أكتر واحد بس هنلاقى عندة العوامل التانية أفضل من المنافسين التانين
  • يعنى الموضوع باختصار ان نظام اعلانات جوجل مش مبنى بس على الى يدفع اكتر يظهر اكتر لا فى عاول تانية وعلى قد ما تظبط الأربع عوامل دول على قد ما اعلانك هيظهر أكتر ويحتل مراكز أولى أكتر
إقرا المزيد

ازاى تحدد قوة أى كلمة دلالية أو Keyword في خطوات محددة

ازاى تحدد قوة أى كلمة دلالية أو Keyword في خطوات محددة ,
لو عاوز تعرف ازاى تحدد قوة أى كلمة دلالية أو Keyword وهل فعلا هتقدر تظهر بيها بمدة بسيطة فى جوجل ولا لا يبقى تركز معايا فى المقال دا

هنستخدم تكنيك اسمه Keyword Golden Ratio أو النسبة الذهبية للكلمة الدلالية 
التكنيك أو الطريقة دى تعتبر من أفضل الطرق حرفيا و أسهلها فى معرفة قوة الكلمة الدلالية و بتسهل عليك كتير فى تحديد
الخطة الى هتشتغل بيها سيو لموقعك و مفيدة لأصحاب البيزنس فى انهم يقدرو يتابعو مختص السيو عندهم و يقيمو الخطة
و الجهد المبذول بناء على قوة الكلمات المختارة

نبدأ الموضوع فى خطواط محددة

  • اختيار الكلمات الدلالية

 هنختار الكلمة الدلالية الى هنشتغل بيها وليكن مثلا (كوتشى رجالى)

  • معدل بحث الكلمة

 هنشوف أى موقع يعرفنا الكلمة دى عليها كام عملية بحث (استخدم اى موقع او اداة مجانية وفى منهم كتير) وهنا هنستخدم أداة ubersuggest بتاعة نيل باتيل ودى اداة مجانية ونتايجها كويسة

ودة لينك الأداة : ubersuggest

هنلاقى الكى ورد بتاعتنا عليها 480 عملية بحث (صورة 1)

ازاى تحدد قوة أى كلمة دلالية أو Keyword في خطوات محددة 2

هنروح نبحث فى جوجل بالطريقة دى (كوتشى رجالى:allintitle) ودة معناة هاتلى النتائج بس الى عناوينها تحتوى على الكلمة الدلالية دى

وهنا هنلاقى موجود 1370 نتيجة , يعنى 1370 عنوان بيحتوى على كى ورد (كوتشى رجالى) (صورة 2)

ازاى تحدد قوة أى كلمة دلالية أو Keyword في خطوات محددة

هنا هنحسب قوة الكلمة الدلالية باستخدام تكنيك ال Keyword Golden Ratio

KGR= عدد مرات وجود الكلمة الدلالية فى العنوان / معدل البحث عليها

وهنا فى وضعنا 1370/480= 2.8

طيب الرقم دة معناه اية؟!

معناه انها كلمة صعبة جدا ومحتاجة شغل كتير اوى ومجهود ووقت

طيب نعرف النسب ازاى ازاى كانت كويسة ولا وحشة ؟

  1. لو النسبة طلعت أقل أو بتساوى 0.25% تبقى الكلمة دى سهلة جدا
  2. لو النسبة طلعت أكبر من 0.25% وقل من ال 1% تبقى الكلمة دى متوسطة
  3. لو النسبة طلعت أكبر من 1% تبقى الكلمة دى صعبة جدا ومحتاجة شغل كتير ومجهود

وممكن تشوف النسب فى صورة رقم (3)

ازاى تحدد قوة أى كلمة دلالية أو Keyword في خطوات محددة 3

و في نهاية المقال اتمني يكون قد نال علي  اعجابكم 

إقرا المزيد
×

اهلا بك في شركة البط

اضعط هنا للتواصل مع خدمة العملاء اذا كان هناك أي شكوى يمكنك التحدث معنا على البريد الألكتروني contact@elbatt.com

× تواصل معنا على الواتساب