دراسة حالة

من الافلاس ل 1000 عميل خلال شهر في المجال الطبى

من الافلاس ل 1000 عميل خلال شهر في المجال الطبى ,
مركز تجميل اسنان فى المملكة العربية السعودية تم فتحة من ثلاثة أشهر على الرغم من ان المركز
مفتوح على مستوى عالى جدا و على قدر عالى من الكفاءة الا انه مكنش في مرضى بتزوره وكان
معرض للأغلاق , العميل لما جالنا كان فى مرحلة صعبة جدا مكانش عارف يعمل اية ولا ايه السبب الى
خلاه يوصل للمرحلة دى على الرغم من المصاريف الى صارفهاعلى المركز و كان فاكر ان بمجرد ما يفتح
المركز هيلاقى مرضى بشكل يومى لكنة اتفاجئ جدا بالسوق, تم عقد اجتماع مع العميل و عرفنا المشاكل
اللي كانت بتواجه من خلال معرفة الخدمات الى بيقدمها و النظام فى المستشفى كان ماشى ازاى و ايه
الطريقة الى كان بيسوق بيها المركز عملنا تحليلات للسوق من نقاط قوة و ضعف و ايه المخاطر الموجودة فى
السوق و التهديدات اللي بيواجهها المركز و مين هوا العميل المثالى , جمعنا كل المعلومات دى و حللناها
بشكل دقيق جدا وحددنا المشاكل الى سببت الكارثة الى بيمر بيها المركز حاليا و ليه فشل يجيب عملاء.

ودى كانت المشاكل :

العميل غير معروف تماما فى السوق, استخدام العميل لطرق قديمة جدا فى التسويق, مجال طب الأسنان
من أصعب المجالات الموجودة فى السعودية و بالتالى كان صعب عليه جدا انه ينافس فيه هناك بدون حد
محترف تسويق, لا وجود للعميل على الأنترنت تماما , لا يوجد سيستم كامل للحصول على العملاء بشكل
مستمر و متجدد.

الحل والطريقة المستخدمة للتسويق :

ولاكن كان قدامنا مشكلة وتحدي كبير مع العميل وهو :
 ان العميل جالنا و قالنا انه محتاج يعمل حملة تسويقية للمركز بشكل مكثف ولاكن المشكلة
مش هنا المشكلة اننا عرضنا على العميل اننا نسوقله فى كل المنصات و نعمله براند كامل و
نطبق معاه استراتيجية البط الكاملة لكنه العميل رفض نظرا لضيق الوقت عنده و انه كان مستعجل
جدا و عاوز نتايج سريعة من أول شهر , ودة كان تحدى كبير جدا بالنسبالنا خصوصا زى ما قلنا قبل
كدا ان المجال صعب جدا و منافسته مش هينة جمعنا الفريق و بدءنا نشتغل ونخطط لأول حملة و
نفكر فى فكرة نقدر ندخل بيها السوق ون جيب عملاء بشكل سريع , الفكرة اللي و صالنلها كانت
جبارة قدرنا من خلالها اننا نحقق النجاح اللي و صلناله دلوقتي و الفكرة كانت عبارة عن اننا اتفقنا
مع المركز انه هيوفر شيك اب بشكل مجاني للاسنان هيتعمل لاي حد يجي من طرفنا و المركز
وافق علي الفكرة.

 وقسمنا العملاء لشريحتيين :

  • شريحة عندها مشاكل في الاسنان ودى كانت كل الأعمار.
  •   شريحة ترغب في تجميل أسنانها ودى ركزنا على النساء
    فقط  من سن 18 ل 50 سنة .
  • الدولة : السعودية .

اخدنا العرض و عملنا حملتين كل حملة منهم تستهدف شريحة من الشريحتين سواء حملة للناس
الى عندها مشاكل فى اسنانها أو الناس الى عاوزة تعمل تجميل لأسنانها و شكلها مش عاجبها
وقلنالهم انكو تقدرو تعملو تشيك اب كامل لأسنانك بشكل مجانى مع استخدام تصميمات صور
جذابة جدا و تم كتابة محتوى فعلا يستهدف الناس دى بشكل احترافى و كان كل المطلوب من
الشخص انه يضغط على الرابط الموجود فى الأعلان و يدخل على اللاندينج بايدج بتاعتنا يسجل
بياناته, وكان فى طبعا فى اللاندينج دى كود Pixel بحيث الشخص الى يدخل اللاندينج من غير
ما يسجل نقدر نستهدفة تانى بحملات مختلفة.

نتائج الحملة :

من الافلاس ل 1000 عميل خلال شهر في المجال الطبى

الحملة نتايجها كانت مفرحة جدا ناس كتير اتفاعلت مع اعلانتنا و دخلت سجلت بياناتها على اللاندينج
و النتيجة كانت ان دخل 8000 شخص على اللاندينج سجل منهم 530 شخص و احنا كان هدفنا اننا نوصل
ل 1000 شخص فعملنا حملة تسويقية تانية نستهدف بيها ال 7470 شخص الى خرجو من غير ما يسجلو
علشان ندخلهم تانى و يسجلو بياناتهم و فى النهاية قدرنا نحصل على 1030 شخص فى خلال شهر واحد
, و كان اتفقنا مع المركز ان مهمتنا تنتهى لحد هنا و كل دورنا اننا نسلمهم بيانات الناس الى سجلت و خدمة
العملاء عندهم تتصل بيهم و تحدد معاهم ميعاد و تتابع معاهم , و لما العملاء يروحو المركز علشان يتعملهم
تشيك اب يبقى كل هدف المركز انه يقدملهم خدمة كويسة و يرشحلهم خدمات تانية و عمليات أسنان
بعروض و خصومات كويسة , بالفعل المركز نفذ دوره على اكمل وجه و بمستوى عالى جدا من الأحترافية
و قدر فعلا يستفيد من الناس دى و يحول جزء كبير منهم لعملاء اصبحو بيترددو على المركز بشكل دورى و
العميل فى النهاية كان مبسوط جدا و وافق اننا نفضل شغالين بالسيستم ده بشكل مستمر للحصول من
خلاله على عملاء بشكل شهرى و يمرو بكل المراحل الى فاتت .

و بكدا قدرنا ننقذ المركز و نحولة من مرحلة الإفلاس الي مرحلة مستقرة وربح جيد بشكل مستمر, و اشتغلنا
مع العميل بأستراتيجة البط الى هدفها تحويل الشخص من مجرد شخص مهتم الى عميل مستعد للشراء.
لو عاوز تعرف تفاصيل الكيس ستادى و ازاى حولنا مكان كان على وشك الأفلاس فى خلال شهر و يتردد علية
اكتر من ألف عميل بشكل شهرى اقرأ الكيس ستادى بالتفصيل.

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

Call Now

إغلاق